倪晨曦破記錄寫300張postcard送粉絲　上美女廚房自認地獄廚神

倪晨曦 (Elva) 今日出席活動時，談到一日寫300張postcards送俾fans這個「壯舉」。Elva透露原先是抱着貪玩的心態，沒想過寫那麼多，「我諗住100張啦，100張已經係極限，點知我見有越來越多人留言，話想將來有一日拎住張postcard去返同一個地方影相留念，我一見到就覺得好感動，於是就決定寫得幾多得幾多。」Elva由前一晚開始寫，但寫到200多張時才發覺『唔對路』，長寫長有，最後寫到第二朝十點才剛剛好寫完300張，她也說真的好辛苦！Elva 對粉絲一片真心，果然是內外美兼備的真女神。

另外，Elva早前和『孖生姐姐』湯洛雯Roxanne齊上《美女廚房》，但Elva似乎對自己的廚藝沒甚信心：「因為錄節目有啲緊張，而且我對烹調肉類嘅知識係零，佢地個啲菜式咁古怪，平時都唔見有嘅！」女神亦忍不住抱怨，又搞笑地表示自己有點「地獄廚神」的風範，連男朋友都大叫怕怕：「佢叫我『你以後都唔好煮肉喇！』」不過Elva沒有因此而對烹飪打退堂鼓，反而再接再厲：「如果有一個素食版美女廚房，我都有興趣參加，我煮蔬菜類好過煮肉類。」Elva亦說會向媽媽偷師學藝，學煮一些不同類型的菜餚。

眾所周知，Elva除了是瑜伽導師，亦是一名旅遊和美妝達人，不少人都希望她加入TVB，Elva則表示：「其實我對自己演技無咩信心，一黎我比較怕醜，二黎我覺得好難投入個角色。不過如果要我去做主持呀，嘉賓呀或者拍旅遊節目，我都可以。」不如就拍一套「環遊世界美女廚房」，由Elva帶領觀眾去唔同國家用當地食材煮素食，一次過滿足你三個願望！