孫燕姿罕有曬孕照　老公視覺影她擘大口摸住個肚扮瞓覺

孫燕姿向來都比較少update自己的IG，她於今年1月1月宣佈將再陀B至今咁多個月，都沒有Post過自己的孕照，呢日她終於公開大肚相同大家開心share喇。即將榮升做第二任媽咪的孫燕姿，現時正專心在家安胎待產，有時間出下post，她上載了三張近照並留言表示：「自拍要把肚子拍進去真的很難！」又加了hashtag #放棄 #納給你拍，原來她是特地想影埋自己個孕肚畀大家睇，唔知最後係由她老公納迪姆幫她影先影到呢？其中一張相係影住她擘大口摸住個肚扮瞓覺，好搞笑。

不過已陀B至少6個幾月的她，依然好纖瘦，一點也不浮腫，陀得好靚，紛絲同網民都留言大讚她是個靚媽咪。雖然她一直都係走實力派歌手路線，但多年來無論樣貌同身材都Keep得好好，同老公結婚7年，大仔今年已經5歲，她的樣子卻無咩改變，屬於疑似食了防腐劑的又一例子。