【兄弟班】陳友以溫拿作藍本開戲　先斬後奏：拍得唔好冇兄弟做

由陳友自編自導，以溫拿樂隊奮鬥故事作為藍本的青春喜劇《兄弟班》，呢日舉行首映禮，溫拿五虎連同一眾演員齊齊玩身，場面墟陷。

電影還原上世紀七八十年代，將最令人懷念的動人時光呈現在大銀幕上。陳友表示用左兩年時間去寫呢個劇本：「唔理一切照開拍，先斬後奏再話知佢地，搏一搏套戲好咪做兄弟囉，拍得唔好冇兄弟你地做呀！」旁邊亞B哥笑說：「做兄弟嘅不拘小節，唔好記舊仇，有福同享，有禍就健仔揹晒哈哈。」

今次強仔專誠回港出席首映禮，被問到用咩方法邀請到強仔出席？旁邊譚校長搶住話：「因為強仔家中後花園養咗啲樹熊，袋鼠啊都長大晒啦，唔使佢照顧可以返嚟香港啦，哈哈。」