許廷鏗小伙子長大了　許廷鏗入行十週年以紅館為終極目標

許廷鏗（Alfred）周一（９日）出席港台太陽計劃活動，今日見到一班放緊暑假嘅學生令佢回想起中時期，Alfred自爆佢求學時期其實都係一個少出聲嘅學生，「細個唔外向，都比較少說話，到人大了又入咗呢行，越講越多說話，所以訓練咗一張嘴巴出嚟。」

由內向性格變到外向性格，Alfred講到工作時候都會表達自己意見，但會唔會令人誤會佢係一個有脾氣嘅人？「其實有時候我覺得需要講真話，一定會有磨擦同要有磨合，但係太客氣同太客套有時候會唔到位囉，所以宜家學緊講野嘅藝術。」

明年便是Alfred入行十週年，Alfred坦言十週年都想有少少搞作回饋粉絲，當然佢最目標喺紅館：「佢哋都等咗我好耐，首先嚟一個預演先，因為嚟近8月自己都有一個音樂會，呢一個Show都有少少特別環節，就係我會跳舞。」