【深宮計】原來有皇宮專用wifi　皇上馬浚偉帶埋laptop上網

作為現代人，無得上網可以話猶如死咁嚴重，成日去到邊都要第一時間搵wifi，不過估唔到來自唐代的人都好需要wifi上網㗎。日前網上就有條《宮心計2深宮計》的拍攝花絮短片，呢場戲係一場宮庭戲，演出的包括有馬浚偉飾演的皇上、李隆基飾演的太上皇以及李天翔飾演的宋王，而劇情竟然係講他們三個正在討論皇宮專用的wifi，成條片的內容都好搞笑。

片中的馬浚偉同李天翔講：「大哥，大咩事我會whatsapp畀你。」李天翔愕一愕然之後一面尷尬咁話：「我用wechat嘅。」兩人的對白好鬼抵死，又一齊研究到底皇宮有無wifi，身為兩人父王的李龍基就話會為他們於皇宮建立wifi，結果皇宮真係有專用的wifi喇。於是馬浚偉就好開心咁樣拎埋部laptop上網，玩到笑晒，又叫劇組人員唔好經常影住他玩電腦，仲話自己梗係有連線wifi啦。