【喊咗】MC Jin談兒子灑下男兒淚：我永遠做唔到好老竇

歐陽靖（MC Jin）最近接受奇妙電視節目《天下第一friend 2》節目主持鄭紹康（Francis）訪問。談到MC Jin當年突然從香港回流美國，他坦言最大原因是家庭，好想見證當時剛剛出世的兒子成長：「除咗照顧囝囝，我仲接送老婆返工，一家三口去超市買嘢。」提到之前他出演節目《中國有嘻哈》，他坦言曾掙扎放下身段參加比賽：「好似抹殺晒所有得到嘅嘢，同老婆、經理人溝通後，構思咗『Hip-hop Man』呢個身分。」最後令他換來全球華人認識。

談到MC Jin與太太的相識經過，他說：「當時我去波多黎各參與音樂節，老婆負責登記工作，場內得我哋係中國人，所以對佢印象特別深刻。」他坦言相識後卻未有進一步發展，緣份驅使下，MC Jin於紐約表演時重遇太太，太太坐在觀眾席上。之後MC Jin開始相約對方，進一步發展，最後更特意重回波多黎各結婚，非常浪漫。

為人父親，MC Jin自認自己是一個既傳統且新潮的父親，更灑下男兒淚表示：「我知道永遠做不到一個好父親。」因為有了太太及兒子，給予MC Jin更強的動力工作，希望兒子將來長大後覺得自己有盡力做好。