突改播《特技人》 億元巨製《再創世紀》監製認延期：7月趕唔切
無論是電視觀眾或者行內人都應該知道，節目一日未出街，播映時間都隨時有變數，而且是話變就變，最新例子是《再創世紀》。
這套由無綫、愛奇藝，以及中國廣播影視出版社攜手製作，耗資接近一億港元的劇集，按照無綫內部文件 ── 今年「Amazing Summer」的節目排陣資料顯示，原定是緊接《天命》，於7月30日（周一）晚上9點半首播，惟近日有傳《再創世紀》已遭抽起，臨時改播由譚俊彥擔正做主角的《特技人》。
「審批劇」包括電視台播放 標準更嚴格
對此，《再創世紀》監製關樹明接受訪問查詢時承認，《再》劇首播日子要延期，原因是到目前為止仍未得到內地審批批文。「其實我哋一路都講，話希望盡快推出嘅啫，但因為我哋係『審批劇』，變咗我哋都要等個審批批文，一切都正常哋進行緊，如果你話7月尾（首播），而家都7月頭啦，相信就未必趕得切，如果係嘅話，我哋都應該開始做宣傳，搵你哋傾吓偈。」監製所講的「審批劇」，意思是指播放渠道包括內地電視台及內地視頻網站，與純粹在網站上架的審批標準不同，前者較嚴格。
監製：公司仍然希望劇集在暑假推出
他強調，公司一直希望這套劇都能夠安排在暑假推出，現時仍視此為目標,亦一直有和內地相關單位緊密來往，了解審批進度，以及無綫應該如何配合，至於問到是否會在《特技人》後播出，關樹明沒有明確答案：「要等8月嗰啲時間睇吓得唔得。」
《再創世紀》長36集，主題和故事圍繞近10年香港金融經濟發展，拍攝期長達半年，演員陣容計有郭晉安、周麗淇、林文龍、楊怡、鍾嘉欣、袁偉豪、周柏豪及林嘉華，原定7月30日會在無綫電視翡翠台和愛奇藝同步播放。同類情況發生在即將播放結局的《宮心計2深宮計》，原定於5月21日於翡翠台及騰訊同步首播，惟當晚騰訊「冇得睇」，更在數小時後在微博發帖道歉：「因故暫時延期，具體播出時間敬請關注我們後續發佈的官方消息。」引起內地網民猛烈批評，結果4日後（25/5），該劇終於在騰訊上架。
游大東其他文章：
【Plan B】陳啟泰10年後再拍劇 脫眼鏡演黑幫：呢個仲似我真人！
【詭探前傳‧有片】秋官不怕無綫嬲豬：佢哋唔鍾意咪拍啲好嘢囉！
【非分熟女】台灣視帝吳慷仁「融入家中」 演港式茶記廚師學拋鑊