【後生仔傾吓偈】馮盈盈唔介意男友睇AV：要佢分享最近有咩好嘢

為咗今集「AV成人影片」，相信馮盈盈做咗唔少功課，而且都做得幾足。

最新一集《後生仔傾吓偈》繼續係以「AV成人影片」為主題，身為AV專家的FYY馮盈盈全集勁多偉論，連6號都甘拜下風。

馮盈盈嘅食飯論真係好正，6號忍笑勁辛苦。

節目一開始，眾人先係討論能否接受另一半睇AV又或者沉迷AV，馮盈盈就以食飯作比喻，並表示：「食唔飽，咪自己食囉，我覺得OK，因為（性生活）總會唔平衡，食唔飽咪揀自己食，任君選擇。」但同場有後生仔就覺得瞞住另一半睇AV，有如思想上出軌，但馮盈盈就唔多認同，更指「廚師當然係自己煮比自己食，食自己就係愛你嘅表現，因為唔勉強你。」她表示就算另一半睇蒼井空都無問題，因為本身都覺得蒼井空十分吸引，就算另一半沉迷AV都可以接受，只要唔好影響二人相處嘅時光就可以。「但係佢可唔可以分享返最近有咩好嘢，我覺得咁會好好，因為帶嚟大家都鍾意。」

除咗港姐冠軍之外，馮盈盈又多個朵－－AV專家。

有後生仔認為睇完AV就一定有下一步動作，馮盈盈就好認真咁話：「有時男人太大壓力就會需要食嘢，補充體力同舒壓。」聽到呢度，在旁嘅6號都忍笑到面容扭曲，但都不忘話過度舒壓會影響身心發展，大家估唔估到馮盈盈會點答呢？「所以咪話唔好太影響，搞到無力同我出去食飯。」真心感受到馮盈盈有幾咁重視食飯。她之後又話聽過朋友分享食飯理論。「平時如果多啲自己食飯，咁佢同其他人食飯時就可以食耐啲，同埋佢習慣咗食飯就唔會覺得食飯好攰。」性博士馮盈盈更認為「自己食飯」其實係訓練的一種，不過佢亦都強調睇AV有機會接觸錯誤嘅觀念同性知識。「因為某啲情節太跨張，無專業嘅訓練，好易整傷或者做唔到。」

馮盈盈自覺同AV女優桃谷繪里香幾似。(網上圖片)

提到AV類型時，性博士馮盈盈再次轉回AV專家嘅身份，並如數家珍一樣，「老師學生、空姐、醫生護士、搭巴士、警察、按摩、浸溫泉、海灘、人妻、家庭主婦、兄妹、爸爸媽媽……」之後她更指出AV男主角唔再只得力量形，又指近年的AV除會照顧女性觀眾外，亦有教導形式「會放慢節奏同敘述流程，照顧無乜經驗嘅女觀眾」而呢類型嘅AV男主角，多數都好似偶像愛情劇主角一樣靚仔。不過，問到最近睇過邊個靚仔先，馮盈盈就即時口窒窒，並以傻笑帶過。

可惜今集無麥明詩，如果唔係可能會更精彩。

雖然馮盈盈唔肯講最近睇過邊個AV男優，但佢就推舉宇都宮、三上悠亞、JULIA、桃谷繪里香呢幾位新晉實力女優，更指唔少網友都話佢同桃谷繪里香十分相似。「我睇睇，真係同我一樣咁靚女，瘦瘦哋身材唔係特別驚人，所以其實都幾有親切感。」咁男朋友家中是否有一系列嘅桃谷繪里香珍藏呢？馮盈盈快而肯定咁話：「佢口味唔係呢方面。」