霆鋒生日忙住陪王菲未必舉家旅行 謝賢：乜佢拍緊拖咩？
撰文：賴家杰
出版：更新：
講開識煮餸的藝人，相信大家第一時間回想起謝霆鋒，今天霆鋒爸爸謝賢（四哥）出席晚宴活動時候，被問到兒子會否煮好西慰勞他呢？四哥講到：「霆峰點會煮畀我食，佢咁忙，當然有試過佢廚藝啦，係幾好，佢應該係偷我師。」四哥表示自己有時候都會在家煮飯，但始終霆鋒煮得好食得多。
霆鋒而家廚藝已經威震八方，四哥揚言不敢指教他，但四哥不明白為何霆鋒會如此熱愛煮飯。「好多年輕人都唔會喜歡，但佢呢就好鍾意做呢一件事情，呢一樣係佢嘅心得。」
四哥一直都強調霆鋒好忙，8月是霆鋒生日，往年都會一家人去旅行，四哥直言今年未必得了，「佢好忙呀，有時候一，兩個月都未必能夠見到佢一次。」問到四哥佢係咪因為掛住拍拖？點知四哥驚訝地講：「吓？乜佢有拍拖咩？我真係唔知道，我都冇拍拖。」笑言自己沒有留意娛樂新聞。