TVB姐仔緊貼Amazing summer　姚子羚瀑布濕身瞇眼勁享受

日前「胡說八道會」其中三位成員包括姚子羚、李施嬅同胡蓓蔚 (豹嫂) 就結伴啟程到菲律賓旅行，去旅行梗係要影相打下卡啦，而呢個地方出名陽光與海灘，咁就當然唔少得影水着靚相，尤其以她們三個的fit爆身材，唔影簡直係浪費呀。呢日她們就到了當地一個好靚的瀑布玩，見到咁靚的景色自然又要影相啦，去瀑布玩着水着是常識吧，所以她們都以水着上陣，仲將呢輯性感靚相放上IG同大家開心Share。

豹嫂留言表示：「今次話咗要relax唔會影太多相，但係見到個瀑布泳池，真係忍唔住。我哋又攝影師上身啦。影成點先？」好彩豹嫂忍唔住係咁影，粉絲同網民先可以大飽眼福。她們三個都各有美態各有各索，不過以性感程度而言就子羚稍勝，她的一件One-piece大deep V泳衣開到落肋骨，再加埋她的瞇眼享受樣，真係好誘人呀！

另外，林穎彤 (Bella) 亦於她的IG上載了兩張水着相，並留言表示：「對上一次在ig發泳衣照應該是兩年多前的事，從來沒穿過紅色泳衣，一直想試穿這種復古高腰設計的，很喜歡，這個夏天都只穿它好了！」正所謂話物以罕為貴，Bella兩年先輕輕一露實在係有驚喜，不過如果頻率密些，粉絲同網民一定更加開心。

下面仲有好多水着靚相㗎。