ANA R胎盤過低剖腹生產　懷孕38周誕9.4磅超巨男嬰

2018年香港娛樂圈真係好旺生BB，仲好似特別旺生男丁添﹗單計6月份已經有Jessica C.同吳雨霏先後誕下麟兒，嚟到27號又多一個星媽啦。名模Ana R. 今早剖腹誕下第二胎，4.3KG即重達9.4磅，絕對係巨B一名﹗由於Ana胎盤位過低屬高危產婦，所以第二胎要剖腹生產，慶幸生產過程一切順利，母子平安。

懷孕38周嘅Ana R.日前上載一條短片到IG，見到囝囝相當活躍，手腳不停郁動令肚皮都變晒形，Ana R.都笑言：「Someone just can’t wait to come out!」話口未完今日朝早囝囝就出世啦4.3KG即重達9.4磅。BB暫時仲未改名，Ana R.話：「好開心係一個big baby，好彩係開刀生產，如果唔係咁大個bb都唔知點樣順產生。」由於Ana依家麻醉藥未過，稍後先會影bb相再公開俾大家欣賞。