【世界盃】C朗近9000呎豪宅曝光 唔只有泳池仲有足球場
世界級足球巨星、葡萄牙翼鋒C朗拿度(Cristiano Ronaldo, C朗)，在世界盃的表現令人震奮，在首場分組賽中一人之力對戰西班牙，個人貢獻三球，不負球皇之名。C朗現年33歲，不僅是當代最出色的球員，亦是世界上收入最高的運動員之一，名利雙收。他在馬德里有一座豪華獨立屋佔地8,600平方呎，價值高達5,510萬港幣（其實對比香港樓價算勁平）。
獨立屋由著名建築師Joaquin Torres設計，除了基本的客廳飯廳之外，共有7間臥房、8間浴室、還有健身室、獎盃展覽廳、迷你足球場和泳池。
門口
C朗家的門口印了他的名字Cristiano Ronaldo的縮寫CR，好難唔知係佢屋企。
客廳
C朗非常注重形象，所以客廳有很多鏡面的設計，除了牆壁，連相框都係鏡面的。色彩基調採用增強明亮感的白色及黃色系，配以黑色傢俱，增強對比，擺設有水晶吊燈、花卉等，還有一些陶瓷動物，C朗說他很喜歡其中有一隻斑點狗陶瓷擺設，因為貪佢唔識吠。(係呀，佢話休息好緊要，所以唔想有動物嘈住佢掛。）
飯廳
C朗一向重視家庭，飯廳張飯檯當然要有返咁上下大，咁就方便成家人一齊圍埋食飯。C朗更說他大部分日子，一日三餐都在家解決，所以飯廳好重要。
偏廳
平時用嚟招呼朋友，一齊傾吓計，飲吓嘢，Chill 吓，目測可以同時招呼二十人以上。
睡房
C朗個睡房仲大過個客廳，佢話睡房係最重要嘅地方，因為要發揮好的表現就要瞓得好。
健身室
C朗之所以能在足球壇上保持佳績，全因佢對自己的體能有超高的要求，屋企整個健身室好基本啦，唔係點Keep得咁好，佢話過：「雖然我 33 歲，但我感覺我的身體就像 23 歲般。」所以有個健身室好重要。
迷你足球場
要保持最Fit嘅狀態，做完Gym，就梗係要即刻練埋波啦。
獎盃展覽廳
眾所周知，C朗獲獎無數，同時係一個很好勝嘅人，獎盃展覽廳除咗可以滿足佢嘅虛榮心，亦同時鞭策佢時刻保留最好嘅狀態，繼續超越自己。不過C朗之前開咗間個人博物館，公開展覽自己啲獎盃，相信屋企用嚟放獎嘅位已經細咗好多。
泳池
豪宅嚟講，泳池好基本啦。