【多功能老婆】朱晨麗首挑戰巴辣角色　洪永城：早見過佢瘋狂一面

洪永城（Tony）和朱晨麗（朱朱）昨日出席劇集《多功能老婆》記招，談及兩人的角色和火花。Tony飾演一名沉穩，成熟且踏實的富二代，和朱朱飾演的馬思蕾是一對夫妻。原來Tony和朱朱之前曾經扮演過兄妹，現在首次飾演夫妻又會否有點不慣？

「唔慣佢咁靜咁gentleman!」朱朱表示，Tony 亦附和說：「因為我個角色設定係一位暖男，所以無論老婆有幾咁巴辣幾咁唔好，我都會係佢身邊默默支持佢!」Tony亦謂現實生活中已見證過朱朱潛藏的「瘋狂」一面，所以拍戲時都不會不習慣，他更劇透了一下朱朱最瘋狂的一場戲：「佢拎住一條頭髮就懷疑我有小三，因為佢角色係家庭主婦，經常疑神疑鬼，乜都懷疑老公一餐。」

巴辣，疑神疑鬼……難道這些是另類的「多功能」? 朱朱就現身說法：「其實成套劇就係講馬思蕾，點樣由一個唔多功能嘅老婆成長為一個多功能老婆，我現實生活中都唔多功能，希望拍完套戲後可以學識點照顧家人同未來老公和小朋友。」另外，朱朱亦因戲和兩位前輩楊千嬅及陳煒結緣，因為她們三人在劇中是閨蜜關係。朱朱坦言：「我之前很多角色都偏靜，第一次接觸啲咁活潑嘅，所以都有擔心自己會掌握得唔好。但千嬅她很鼓勵我，佢會話『你試下咁咁咁做……咦幾好喎!』令我即刻自信返唔少，亦演得越來越似思蕾呢個角色。」