【天命】唐詩詠首做打女親身上陣　最大挑戰：保持個樣唔好太猙獰

唐詩詠（Nat）出席劇集《天命》首播時，分享了拍戲時的武打經歷。Nat在戲中飾演陳展鵬（和坤）的紅顏知己豆寇，但Nat同時是「好打得」的女中豪傑！Nat自己坦言事前沒料到有這麼多打戲：「原本監製話唔會打太多，所以事前無training，點知接到劇本先發現場場都要打！」頂硬上的Nat笑說幸好展鵬在武打方面很有經驗，再加上現場有武術指導，「一邊學一邊拍都無問題，唔使替身。」

Nat談到演武打戲最難的部分，就是好難打得靚。原來打戲不單止要學識招式，還要顧及個靚樣。Nat分享了兩大秘訣：第一，要學識遷就鏡頭：「你要配合返攝影師個鏡頭去做嗰個動作，咁影出黎個孤度先夠靚。有時鏡頭需要我扮出招打人，但其實我並不是真的打落去；有時又要扮到好出力打，但事實係我好輕力，怕整親人。」除此之外，拍打戲時的表情管理都好重要：「要保持個樣唔好太猙獰，但又要俾多幾錢肉緊，咁觀眾先可以感受到你有幾想嗰個人死。」又話即使幾攰都好，一roll機就要即刻表現出好輕鬆完成一套動作，仲難過一般演戲。果然是「你必須非常努力，才能顯得毫不費力」！

最後Nat亦分享左一啲片場小點滴，原來有場戲係打算係北京長城拍，但最慘嘅係排完戲先落雨，最後劇組要改在橫店拍。不過Nat話拍古裝雖然唔係佢擅長，但佢覺得古裝最好就係可以去不同歷史場景取景，令人物特別有靈性。