楊明若結婚生幾多個先夠？　莊思明：呢方面冇壓力

楊明與女友莊思明出席好友李漫芬女兒嘅百日宴，二人都稱禮物方面應該折現，因為BB大得好快，開頭都想買衫褲鞋，但想一想都唔太好，倒不如現金啦。二人都開始經常出席朋友婚禮或百日宴，問到會唔會都想快少少生返一個？楊明都表示結咗婚都想生小朋友：「起碼要一個兒子和一個女兒」思明聽完男友咁講都唔會有壓力，因為本身都鍾意小朋友。在旁楊明聽到後笑說：「可能佢覺得唔夠呢？」

早前莊思敏獲國際美洲大學頒發「榮譽工商管理博士」及「禮儀顧問」兩項名銜，但有網民質疑呢個資格，亦到喺思明社交網站進行罵戰，思明都有留到呢一件事情發生：「唔係同我鬧交，有啲人支持佢有啲人就唔支持，其實我有回覆嗰個質疑佢嘅網民，我問佢有冇聽過一樣嘢叫榮譽博士，你唔洗實則好似一個人讀PHD咁日日番學，榮譽博士就係人哋覺得你受得起就可以，係呢一間學校選擇頒畀佢，我哋又唔會特登去質疑番呢間學。」思明都講到家姐唔會因呢啲事唔開心，因為佢係開心果。