【解決師】張曦雯換新車有原因：部舊車唔安全
撰文：吳子生
出版：更新：
張曦雯今日（22）出席無綫新劇《解決師》宣傳活動。在戲內與王浩信飾演情侶，更遠赴澳洲拍攝。曦雯表示「我覺得自己好幸運，好開心可以有個咁好嘅角色，又可以同視帝視后合作，希望到時王浩信唔好覺得我煩啦，期望可以係佢身上學做戲，還有要去到澳洲咁遠拍攝，真係好開心。」
身兼主持，演員，模特兒三重身分，近來忙拍多部劇集，最近購買了過百萬名車作為代步，忽然富貴起來。張曦雯笑「架車都唔係好貴，自己努力做左咁耐野，儲咗咁耐錢，更係買自己鍾意嘅野送畀自己啦，本身楂開部舊車，覺得唔安全，如果萬一發生意外，我就一定粉身碎骨。」