【有片】IG派福利宅男流鼻血　何超蓮唔認係女神：似女神經多啲！

賭王千金何超蓮出席Givenchy活動時大談自己的打扮心得：「其實我平時好少化妝，最多就係搽下潤唇膏咁，平時見朋友都係戴頂帽就算。（因為keep得好唔洗化？）唔係，因為我太懶啦！」估唔到女神超蓮原來都有慵懶可愛嘅一面。

早前超蓮在個人Instagram派福利照，網民都話流哂鼻血，但超蓮則表示不覺得自己稱得上女神：「多謝大家啲讚美，其實我冇特別話要影啲咩女神相，我去旅行見到個景點幾靚就會post相，唔會刻意經營女神形象。（有無多咗好多宅男fans？）我又唔覺喎，我自己都唔係女神，比較似『女神經』多啲。」

另外超蓮近日都忘忙於當老闆娘，在自己開的牛肉麵店中返工。超蓮更表示有向好朋友應采兒徵詢意見，因為對方是台灣人，所以向她請教怎樣的牛肉麵最好吃。敬業樂業嘅超蓮更直接將自己office搬去麵店樓上，方便巡鋪及陪朋友落樓下食飯，果然是稱職的店長！