鄭秀文10個月拍4套戲　依然有錄新廣東歌：今年一定會出一隻碟！

鄭秀文（Sammi）今日（21日）出席化妝品活動，以Givenchy Pre-Fall 2018紅黑拼接連身裙出場的Sammi，霸氣又有型。向來女王氣派十足的Sammi，鮮紅色唇膏已經成為她的標配，其實她也是一個不折不扣的唇膏控，如果出街忘記擦唇膏，她總會覺得當日好似有事情未做一樣，已經成為一種習慣。今次Sammi和周柏豪、何超蓮一起拍廣告，直言感覺好好：「我覺得幾特別，一個唇釉嘅廣告搵一個男藝人去參與，我覺得幾有趣。」

Sammi在十個月內拍了四套電影，相當高產，最近幾日她又密密飛上海，出席上海電影節和品牌酒店開幕活動，都咪話唔辛苦。早前Sammi透露將會回歸唱片工作，今日她出席活動時表示一切正在進行中，過兩日又會飛往台灣，為新歌拍攝MV。

Sammi已經有排未有新作推出，而今次會率先出粵語歌，她自己也大感期待：「今年一定會出一隻，而家都未決定係大碟同EP，但係就陸陸續續錄緊啲歌，我最希望就快啲能夠推出啲新嘅廣東歌囉。」看來fans好快就有耳福！