陳法拉美國獲安排試鏡：好似打機過關
撰文：冼燕珊
出版：更新：
剛於美國完成戲劇碩士課程嘅陳法拉，今日飛返香港出席時尚活動，法拉早前跟美國荷里活金牌經理人United Talent Agency（UTA）的Brian Swardstrom簽約，做奧斯卡影后法蘭西絲麥杜文（Frances McDormand）同門師妹。
法拉今朝凌晨五點落機，點解時間預到咁趕? 因為她忙著試鏡，法拉說:「嗰邊有時Last minute先send 劇本嚟做casting，所以預喺美國嘅時間鬆動啲。」問到係試哪些角色，法拉形容係蒙住眼擲飛鏢，好似新人咁由頭做起，不過話晒都係跟著名經理人，所以啲角色有經過篩選，都係值得做的角色。
不過法拉就話暫時仲未收到好消息，佢坦言有時都會有啲氣餒，但同時認為係一個好好的學習機會:「試鏡就好似打機咁要過好多關，有時連合約都傾埋，但最後電影公司都係揀咗其他人，但都係一個好好嘅學習經驗，都幾得意。每一次做完都會想做得更好，有時呢個試完未有消息，咪試下一個囉。」雖然簽咗美國經理人，但法拉都不忘香港觀眾，佢透露今朝一落機就見咗個導演，嚟緊都有一啲香港嘅作品傾緊，所以大家唔使擔心!