應采兒35歲生日出海玩　Jasper唔送禮表演跳海

「happy birthday to you…」今日是靚媽應采兒35歲生日，老公「山雞哥」陳小春同仔仔Jasper就當然陪伴度過呢一個重要時刻喇！而為了咗令壽星女一笑，Jasper就好識做竟然表演「跳海」博媽媽一笑，這個禮物睇到唔少網友又驚又喜，不愧係「有其母必有其子」一樣大膽。

為了迎接35歲生日，應采兒一家就選擇出海度過，齊齊享受同陽光玩遊戲。生日即代表有禮物收，而為了令媽媽一笑Jasper就選擇跳海，令應采兒睇到不知幾開心：「我生日、兒子表演跳海」仲貼上哈哈笑圖樣。影片中，可見Jasper穿著綠色浮力背心，手臂上有兩個水泡，見他開始都膽戰心驚，就慢慢行上去跳板上用左腳試探，最後二話不說直接跳下去，型到不得了。

Jasper咁大膽送上如此大禮，唔少網友見到都好佩服他大讚他夠勇，難怪大個想做「跳水王子」？對於人仔細細就膽大包天，分分鐘連大人都可能做唔到，真是應采兒同陳小春仔仔，今次媽媽生日就表演「跳水」，咁爸爸生日可以表演咩呢？我們就拭目以待。