【深宮計】張文慈拍劇當眾灑淚純屬誤會：嗰幾日有內心戲
撰文：林迅景
出版：更新：
《宮心計2深宮計》中張文慈飾演汪司膳，雖然角色戲份並不是最重的一位，但她與尚宮局4位尚宮互有不同，又確實令觀眾留下深刻印象。張文慈今次是首次演出古裝劇，自然是「落足心機」，她説：「古裝對我有啲難度，始終我把聲唔夠尖，再加上笑容、做手真係唔識，所以開工頭幾日真係唔慣㗎。」
對於有網民挑剔張文慈聲線似「男人聲」，她就十分豁達：「唔使睇呢套劇啦，睇我以前啲劇都知我把聲沉。試過有一次有電話打嚟，我話：『喂』對方就開口講：『張生』添。其實我都唔係第一次俾人話我把聲沉，都接受咗呢個就係我把聲。（如果有網民話你男人聲你會介意？）冇辦法，但係亦都有人讚我把聲獨特，呢個亦都係我特別之處。」