90年代紅遍台灣成學生情人　陳曉東推國語新歌招牌外貌不保

在台灣人心目中有幾位港星絕對可以話陪伴了他們成長，其中一位就是陳曉東。近日為了7月份在台灣舉行世界巡迴演唱會，他就上了綜藝節目《小明星大跟班》宣傳，大唱他一些他的國語名曲《心有獨鍾》﹑《比我幸福》…其中更大唱最新國語歌《女人都差不多》，不過似乎曲風同唱法不受歡迎屢受批評，外貌上亦令人愈睇愈突兀，已經唔再係從前那一位「陳曉東」，搞到唔少觀眾都認唔到他。

42歲的陳曉東90年代，憑第一張國語專輯《心有獨鍾》紅遍全台灣，外形高大靚仔是唔少人心目中的學生情人。如今他為了世界巡迴演唱會台灣站，再次出現亮相台灣觀眾面前，似乎令人大失所望。身為「男神」的他其實外表睇落去都算保養得好，不過台灣網友就發覺他似乎在臉上動了手腳，臉部十分緊繃同眼皮部分變得怪怪的，已經唔再係從前的他「現在整得很怪」「還未至於醜但表情顯得有點痴呆」「這臉有夠驚悚嚇人」…認為他唔整好過整「整形後反而平凡醜掉」，唔係主持人介紹都好難認出係他，認真誇張啊！

事實上，陳曉東的外表上睇起來同從前有差別，已經在唔少人心中扣晒分。而推出的國語新歌亦難獲得青睞，《女人都差不多》的歌詞被批沒有美感，而且他的唱法亦無從前如此的專注咬字同真假音轉換的美輪美奐，如今聽起上來反而有一點刺耳。成個《女人都差不多》的MV充斥一種怪裡怪氣，不時都以左邊面部示人，下巴部分顯得相當突兀，搞到頓時令好多人懷念他從前的歌聲。

90年代從《心有獨鍾》﹑《我比誰都清楚》﹑《風一樣的男子》﹑《比我幸福》…首首都大紅大紫，唱到唔少台灣人心裡去。如今雖然唔再係從前的他，但他的親和力仍然在台灣人心中有一定地位。