【父親節】王君馨坐的士去同爸爸食飯途中遇車禍　要坐救護車入院

今日是父親節，不少人都會趁呢個日子陪爸爸慶祝一下，王君馨 (Grace) 難得不用開工就當然有陪爸爸啦。不過Grace同老公坐的士去同爸爸食飯的途中，卻發生了車禍！好彩只屬小意外，Grace與她老公受了輕傷，雖然要坐救護車去醫院檢查同睇醫生，但就沒有大礙。事後Grace就於她的instagram講返當時的情形，又上載了相同片畀大家睇。

Grace在ig出post話：「今日坐的士約咗爸爸喺銅鑼灣食父親節飯，無端端喺東區走廊我哋加的士好快咁剎車，啱啱趕得切冇撞到前面架車，跟住就即刻俾後邊架車撞倒。胸部頸部同背脊有少少Chok親。老公個頸同埋頭有少少chok親。之後落車比口供，影到撞到我哋嗰架車炒到咁，好彩冇人大受傷。」

「第一次坐真正嘅救護車，身為小演員的我當然有少少好奇，問長問短，仲問佢哋有冇睇棟仁的時光。15分鐘後到灣仔Ruttonjee Hospital. 一個鐘頭內，睇咗醫生寫咗報告，落咗口供，攞咗消炎藥同藥膏離開。醫生話骨同埋神經線冇事，應該係拉傷肌肉，休息幾日應該冇事，感謝神 ！多謝所有警察哥哥，救護人員同埋醫生護士的照顧，令我哋每一刻都可以放心。A bit shaken by everything that just happened, but feeling safe and happy to be alive.
唯有下次先同爸爸食餐好嘅！祝各位父親，平平安安，健健康康，父親節快樂！Happy Fathers Day.」