陳家樂再度澄清余香凝冇偷食：佢唔應該承受咁大壓力

今日上午陳家樂突擊現身品牌鋪頭擔任店長一職，家樂現身大家當然關注最近同余香凝分手嘅事情，家樂都多謝大家關心，但講到今次呢一件事發生已經影響到大家之間工作，「我同佢之間呢件事並沒有刻意去隱瞞大家。」家樂表示分手後，會同余香凝為持好朋友關係，自己亦會專心工作，「工作係最好面對佢嘅方法。」

近日全城都圍繞佢二人分手事情，外間都有好多報導指出因為有第三者介入而導致分手，家樂都回應最近大家嘅揣測：「呢一刻我講啲乜都冇乜用，因為我講啲乜都可能有其他嘅效果，現在嘅人佢哋相信嘅事，係佢哋想去相信嘅事，佢哋冇諗清事實，我喺到講最後一次嗰事實，余香凝唔係一個咁樣嘅人，佢冇偷食，我同佢之間係和平分手。」

陳家樂發聲護前度 IG深情表白：余香凝為我最親的親人

【任噏亂評】余香凝分手後竟不停被辱罵 未知真相就亂鬧一樣缺德​

佘香凝因為今次事件形象插水，網上更有好多攻擊她的說話，家樂就覺得很多都不是事實，「佢一個女仔要承受咁大壓力，我覺得唔可以囉，我哋冇為呢件事再傾啲乜，佢需要時間冷靜一下，好好咁再諗佢嘅工作，我自己都想像唔到呢一件事發開到咁大。」再次被問到分手原因家樂就唔想回應咁多，始終呢一件事係二人之間嘅事情，我地都有好好嘅共識，「大約一個月前分手，咁我地都冇講出嚟，因為呢一個都係我哋之間嘅共識，大家都希望呢段時間唔想因為呢件事影響工作，因為手頭上大家都有重要嘅工作。」