【走佬去臺灣】杜汶澤舉鐵感壓迫　因女教練好相與：會同老婆報案

最近對健身非常積極嘅杜汶澤，去到台灣拍《走佬去臺灣》時，雖然「打包」埋私人教練Sam同行，但身為好奇寶寶嘅佢，亦喺當地搵咗位女教練，趁機體驗一下港台健身不同之處。見到身材有番咁上下的靚女教練Angel之後，阿澤就用廣東話表示：「我想練到好似你個胸咁！」為怕教練聽唔明，佢就用國語表示：「教練我想集中在胸部的部份，應該做些甚麼呢？」成個意思唔同晒喎！

靚女教練Angel除為阿澤設計咗滑輪飛鳥、平臥啞鈴飛鳥一系列動作之外，更一直在旁協助，當阿澤平臥舉起24kg嘅啞鈴時，靚女教練就在前方協助，之不過由於教練身材太勁，結果每次只要一彎身，其心口同阿澤個頭近乎零距離，「唔知係未台灣啞鈴特別重，好似有成座山落嚟。」有咁好福利，難怪阿澤話就算舉多100吓都無所謂，之後更笑言「台灣教練好好相與」到底係好相與定好雙乳呢？why not both!