【中國新歌聲】謝霆鋒連切蔥都有節奏感　網友終於厭：甚麼都做飯

內地選秀節目長做長有都大受歡迎，就好似《中國新歌聲》（前身：《中國好聲音》）已經開到到第三季，今集就玩全男班導師李健﹑周杰倫﹑庾澄慶﹑謝霆鋒PK，節目未播已經搞到大家好想睇。

距離節目播出唔到一個月時間（7月13日播），節目組就率先陸續公開導師的宣傳片，第一擊就率先播出謝霆鋒的預告，在廚房玩煮菜的他唔講唔知仲以為睇緊《鋒味》，不過見他連切蔥﹑攪蛋都有節奏感，畫面一跳就帶出他音樂頑童個性，在廚房大彈結他型到不得了，更講出自己對音樂的心得：「其實，唱歌沒甚麼奇不奇怪，正是為自己做一個突破，小小突破。從歌手﹑演員到廚師我從來都是認真的。」正正因為該宣傳片在廚房拍攝，搞到唔少網友都覺得咩都關廚房事認真搞笑「干啥都得扯上廚房」，睇嚟他已經是廚房的標籤了。

成為史上最年輕的《中國新歌聲》導師，唔少人都好期待謝霆鋒的表現，片段中出現2000年的《活著Viva》歌曲，即使勾起唔少人回憶，久未出現音樂性節目的他，今次難得出山做導師好多人都好想再聽他的首本名曲，未播大家已經話坐定定等睇，睇嚟霆鋒的魅力真係沒法擋。