【講笑啫！】社交網站上載情侶鞋　胡歌接班人蔣勁夫傳出櫃急澄清

內地小鮮肉蔣勁夫2012年以20歲之齡，主演《軒轅劍之天之痕》備受關注，外形高大靚仔的他被譽為「胡歌接班人」，皆因當時二人同屬師兄弟關係，演藝事業絕對一片光明。不過之後所演出作品反應平平，2015年與公司解約後成立個人工作室，今年更選擇放下演藝工作重拾學子身分遠赴日本留學。近日，他就在社交網站上貼一對「情侶鞋」疑似出櫃，寫到明「和老公的情侶鞋」，引發兩岸三地網友嘩然成為熱話， 頓時嚇親唔少人。

自從在日本留學之後，有網友就發現蔣勁夫似乎放飛自我許多，現時與美髮沙龍創辦人張晟交情愈來愈好，二人更經常出雙入對活動，今次標籤張晟大叫老公，曖昧行為令人信以為真。近來這一段日子，二人愈走愈近張晟更在個人社交網站上貼一張頸鏈照片，以日文留言「お揃い」（意指：一對），關係似乎唔簡單。

正正因為出櫃疑雲令人不斷猜測，張勁夫最後跳出來自己講個明白：「只是玩笑，没有任何惡意。給大家添麻煩了，不好意思。」原來是一場誤會令大家放下心頭大石，不過大家覺得無論他出櫃與否，喜歡他的人始終喜歡他「你愛誰都行，不必道歉啦」望他快點學成歸來，好好拍多啲好戲畀大家睇喇！