朱千雪挑戰新《美女廚房》　自稱地獄廚神：最好煮同洗都唔使做

朱千雪現身九龍灣眼鏡發佈活動！同場有歌手藝人邵珮詩，鄧穎芝及陳曉琪等人，吸引大批途人圍觀，場面熱鬧。

提到女神朱千雪將會應邀上無線新一輯《 美女廚房》大顯廚藝。平時十指不掂陽春水的女神千雪BB，煮餸又得唔得呢？千雪笑言：「冇任何準備，我覺得自己係地獄廚神，就唔係美女廚神，純粹想去攞下經驗，因為我本身唔鍾意洗碗，如果煮完嘢食要我洗碗，我就唔鍾意煮嘢食，所以我好少煮嘢食。」

但講到做家務，千雪bb係一個有要求嘅人，「我本身好鍾意乾淨，屋企嘅嘢我會做，但如果俾我揀，最好煮同洗都唔使我做啦！」

近來千雪肥瘦難分，被問到介唔介意？千雪坦言：「可能有人話我肥咗，以前嘅我係會介意，因為每個人嘅眼光都唔同，好難介意得晒，因為自己好鍾意食嘢，如果你唔俾我食嘢慘過你話我肥啊！」