【多圖】《全民造星》肥仔都撼贏翻版彭于晏　提早入圍50強

ViuTV大型選秀節目《Good Night Show 全民造星》99位型男再度會見傳媒，而早前《全民造星》喺社交網站發佈投票，得到最多心心嘅參賽者就能夠入圍五十強，照片發佈後都得到好大嘅迴響，不過評論大多數都係指出造型老土，有網民更話會慘淡過《亞洲先生》選舉，咁就睇下佢地嘅造型係咪真係咁老土。

45號綽號肥仔（梁業）今日(3日)已經宣佈提早入圍50強，好多人都可能會問佢又唔係高大靚仔，究竟那來的自信參選呢？肥仔話：「我可能樣貌同身型唔係好符合呢個比賽，但我都想走一條另類路線嘅偶像派出嚟。」不過講到參選者好多會似乜乜明星，肥仔就自爆從小就被人稱翻版曾志偉、翻版杜文澤同翻版洪金寶，肥仔亦稱自己偏向同杜文澤似樣。

而賽者17號鄧喬就話上次造型照出街之後，大家都誤以為他喺嚟自菲律賓：「個時候大家都話我似菲律賓人，咁我又唔係好介意，咁始終大家都冇話我好差，純粹大家可能誤會咗我種族。」除咗佢似菲律賓人之外，鄧喬都認同自己同照片好唔似樣：「我都覺得唔似，不過我唔知道影相好定差，咁如果影相出嚟係好都幾好嘅。」

99號參賽者姜濤就被大家形容為翻版彭于晏，佢接受訪問時候似害怕面對鏡頭，不斷退後。很多人話佢係翻版彭于晏，姜濤就表示自己一開始時唔願意接受：「我開始時候唔想認，但大家都話我好相似，唯有接受，不過彭于晏當然靚仔過我好多啦。」每一位參賽者都會有自己嘅一份自信，而姜濤就表示佢自信來源於累積經驗，因為之前在大陸參加過一次呢類型比賽，佢仲透路今次會準備好多武器去挑戰呢一場賽事。