【黎明演唱會】又有金句：不適觀眾，而家科技咁發達，堅強啦！
撰文：施玲玲
出版：更新：
黎明（Leon）演唱會，不缺的，除經典金曲，還有金句，今晚當然亦不例外，一套「問唔問論」令一眾觀眾一頭霧水，「其實好多時候，有啲嘢喺想問嘅時候，可能唔問嘅答案仲好過開口問，所以頭先諗咗好耐，有啲嘢問唔問，但有啲嘢過咗去問嚟又唔可以返轉頭去改變，所以都係珍惜，唔糾纏，開心，見返你地。」其實無論黎天王問也好，不問也好，歌迷亦會同樣支持。
而在發表一陣偉論後，有擔帶的黎天王不忘向歌迷道歉，皆因今日沒有抽獎，不能玩摩天輪，獲得歌迷熱烈掌聲，再一次成功化解「關公災難」。Leon同時亦十分關注觀眾健康，更親自教授身體不適時的處理方法，「其中今日現場嘅朋友，佢哋喺出面嘅時候話自己身體唔係好舒服，我覺得而家科技咁發達，堅強啦！我唔係叫你去用咩will power，只有自己先知點樣帶領自己度過每一個應該度過嘅階段。」
黎天王面對眾多粉絲尖叫其名字，立即說出一個「愛」字，其後就開始發表愛的偉論，「但係愛要對值得嘅愛，而值得嘅愛係好難衡量，唯有靠你自己去感覺。」在這一刻，面對黎天王，我好有感覺。