倪晨曦評男友幾近滿分 唔通女神隨時封盤嫁人？
撰文：賴家杰
出版：更新：
人氣女神倪晨曦（Elva）出席品牌活動，做得藝人尤其是公認女神嘅Elva，通常都會打扮到靚一靚先會出街，夏日炎炎穿著背心短褲就出門口，騷長腿都好正常，但係如果同男朋友出街，咁嘅打扮應該惹嚟唔少人行注目禮，男朋友又會唔會妒忌？Elva笑住話：「咁又唔會，我唔係著得好誇張好暴露嘅衫，佢唔會有唔準我著短褲個啲反應。」
Elva其實都有唔少女粉絲，佢地最鍾意就係睇扮靚心得，Elva講到有女粉絲其實都準備好多心思禮物送畀佢，笑言真係男朋友都冇咁有心。咁問到Elva男朋友對佢嘅好十分滿分有幾分，Elva都唔洗思考就回答有九分：「仲有一分佢係有進步嘅空間，（係咪如果有埋嗰一分就結婚？）睇定少少啦，唔講啦。」