【飛虎之潛行極戰】吳岱融被爆係隱形富豪：努力緊，希望真係啦！

吳岱融（Hugo）在《飛虎之潛行極戰》中飾演警察一角都深得大眾歡喜，Hugo都表示好人角色壞人角色一直都有接：「咁一直都有演壞人，咁其實壞人角色係會相對嚟講係比較突出，咁之後自己都會拍《牛下女高音》呢一部電視劇，不過今次就冇乜壞人可言。」Hugo都透露呢一部劇更會唱歌，相信觀眾都十分期待Hugo開金口唱歌。

最近Hugo就被爆持有多棟物業更遍佈東南亞，成為圈中其中一位隱形富豪，對於呢個新聞Hugo都直言自己係隱形富豪：「其實我只係講緊徐小鳳首歌，［渴望心中富有，明和利不刻意去追求。］不過宜家努力緊，希望真係啦。」至於點解會不斷置業，Hugo透露除咗係為將來一個投資之外，更係因為佢同太太本身熱愛旅行，可以唔洗租酒店。