盤點Met Gala 2016：懶理科技主題　樂壇天后亂咁嚟

今年Met Gala的出席嘉賓名單中，數得出的樂壇天后都有亮相，但不約而同驚嚇十足，不宜近觀！麥當娜（Madonna）與Lady Gaga不約而同出「股」惑，Katy Perry放棄一貫七彩風格，化身暗黑「無眉娘」，與饒舌界「騎呢」之霸Nicki Minaj平分秋色；年紀最輕的Taylor Swift亦搣甩少女味，挑戰Cool爆銀裝，反而Beyoncé反行其道以杏色長裙示人，但遭網友批評「膠味濃郁」。

麥當娜 VS Lady Gaga鬥「股惑」

兩位天后由舞台鬥到落紅地氈，就連造型都極似登台歌衫，麥當娜的全黑禮服Detail位甚多，但最矚目的是胸部位置僅以黑色碎花喱士包裹，儼如「開燈」，更疑似貼上黑色封箱膠紙來防走光，驚嚇多過驚艷！以為前面已夠爆，原來後面一樣「吸睛」，見她一轉身大方露股，現場觀眾立即俾夠10個趣！

至於Lady Gaga亦不相伯仲，這個「電腦底板」Look充分展現她的大膽個性，那雙厚底Boots目測至少有10吋高，背影亦十分「養眼」，配合魚網絲襪及復古髮型，不用多說，整個就是Lady Gaga風格 ─ 唔係個個人接受得到！

Katy Perry VS Nicki Minaj暗黑雙煞

齋睇相，會以為兩位天后「嬲咗成村人」，但她倆都是為了配合一身暗黑造型而黑臉。畢竟暗黑與大會主題「科技」拉不上關係，Katy Perry稍為有花心思配合，仔細睇真啲，原來她隨身帶着一部「他媽哥池」遊戲機，趁空檔便撳兩下，總算配合「科技」主題，就連她的影星男友奧蘭度布林（Orlando Bloom）亦有一部，雖然二人未有合照，但透過兩隻「電子雞」來表明心意，實在有夠心思。

同場加映：蔡依林造型獲好評

蔡依林（jolin）獲品牌Marc Jacobs邀請首度參與Met Gala，早幾日提早飛到紐約備戰紅地氈，當晚她以一襲性感透視長裙配紫色妝容及型格短髮，有型之餘略帶佻皮。