農夫自嘲唔識普通話　撐鄧紫棋做《中國新說唱》導師：佢好流利㗎

農夫今日（19日）出席一個美食街開幕活動，同大家分享自己鐘意的食品，還現場演唱《舉高隻手》，炒熱氣氛。早前剛剛在澳門開完演唱會的農夫，嚟緊將會在內地同東南亞繼續開show，農夫透露美國拉斯維加斯和德國現時都在和他們密密討論演唱會事宜，如果可以在歐美國家開唱，不知道農夫會不會唱下英文歌呢？鬼馬的農夫笑言：「如果要唱英文歌，我哋就完全冇英文歌嘅，但我哋有英文歌名嘅歌喎，淨係唱個歌名得唔得呢？起碼你聽得明個歌名啦。」兩人古靈精怪，大家在聽演唱會的同時，可能隨時笑到飆眼水添。

早前GEM鄧紫棋確認加盟《中國新說唱》做導師，引起網民熱議，阿GEM唱歌就了得，要做一班rapper的導師似乎有點不合理，不過農夫卻不以為然：「如果我哋做可能有啲奇怪，起碼要操流利嘅普通話啦，即係你自己都聽唔明，又講唔到，我哋連講都講唔到，佢都好流利㗎嘛。」至於他們有無興趣去這個節目，兩人就表示如果要參加，普通話一定要好好，但自己就連講都困難呀。現在GEM主打內地市場，之前農夫有話同對方合作隻歌，不知道歌詞方面會不會用普通話呢：「咁又唔會，即係因為我哋真係唔叻呀嘛，其實係可以共同存在嘅，即係佢唱普通話，我哋唱廣東話又得，或者佢可能好鐘意唱同埋佢都係想唱廣東話都得㗎。」但是農夫表示首歌就暫時未開始構思。

還有一個月時間就到暑假，不過陸永就尚未有確實的計劃帶囡囡去哪裡旅行，但隔離的C君似乎就有妙計：「不如試下帶佢返學啦，暑假又要冇得返學，幾慘！」陸永表示都有籌備下，但好多時候都是即興的，不過C君就建議對方帶囡囡去自己屋企玩，真是好鬼馬！