《宮心計2深宮計》羅霖呻對白難讀 9年前《宮心計》易好多？
撰文：關穎賢
出版：更新：
《宮心計2深宮計》星期一(5月21日)首播，有唔少網民都好期待，雖然今次冇佘詩曼、楊怡，但有胡定欣、劉心悠、周秀娜等演技派靚女坐鎮。早前有份參演嘅羅霖接受訪問嗰時，曾話過對白好多都係古代對白非常難記，加上隔咗20年再拍劇，第一場戲對住馬國明同蕭正楠嚇到唔記得對白。諗返起9年前《宮心計》嘅對白都唔係好難啫，而家就同大家重溫9年前《宮心計》嘅經典對白啦！
由佘詩曼飾演嘅劉三好：
「做好事、說好話、存好心。」
「苦中一點甜。」
姚金玲係由楊怡飾演，本來由心地善良慢慢變到狡詐陰險，啲對白全部都mean到入肉！
「我就要你死先過我！」
「棺材也睡得舒服，你不進去睡？」
「打你咪打你囉，使咩揀日子啊？」
「本宮輸比你，完全係因為個『運』字！」
「本宮每日見到皇上同太后視你如珠如寶，對你個肚呵護備至，本宮真係想一棍打落去！」
薑係越老越辣，由謝雪心飾演嘅郭太后笑裡藏刀，佢個笑容都幾心寒。
「姐姐想借妹妹你個人頭一用呀。」
由米雪飾演嘅鍾雪霞：
「殺人又哭墳，佛口蛇心。」
「自身不正，如何正人？」