【逆緣】黎耀祥李思捷邊個做「老豆」好？　童星羅梓龍：梗係思捷

大部分人一生之中都只會有一個「老豆」。當然，除了那些契爺、外父、甚至後父之外，還有少部分人一生中可能會4個，5個甚至10個「老豆」，説的是在《逆緣》中飾演賀永年（黎耀祥飾）以及2016年《超能老豆》谷自強（李思捷飾）的15歲童星羅梓龍（飾演賀家誠 / 燒腩仔）。

羅梓龍均飾演過2位好戲之人的「囝囝」，但係「2選1」的話，佢會點揀呢？日前（5月17日）羅梓龍出席《逆緣》的大結局飯聚時，羅梓龍小朋友就說：「冇得咁樣比較㗎喎，不過《逆緣》對嘅時間冇《超能老豆》嗰套咁長，如果咁計嘅話就梗係李思捷啦。」

羅梓龍續説：「如果再拍嘅話，我都想李思捷做我老豆。因為佢好孝順，對屋企人好好啦，對我又好。（點好法？）佢呢3年嚟都keep住會帶我去行下街睇戲，差唔多隔1，2個星期就會去一次。（睇咗咩戲？）好多喎，最近睇咗《Avengers Infinite War》、《銀河守護隊》、《雷神》，仲有好多㗎。」說到行街，羅梓龍說有一次在金鐘逛街時，李思捷更與他一起買了同款不同色的銀包。「原本我諗住買嘅，跟住佢唔俾我俾錢，仲搶咗我銀包，後尾我哋就一人一個。」

李思捷除咗同羅梓龍父子之外，原來仲會愛屋及烏。羅梓龍表示閒時逛街之後，李思捷更會與羅梓龍的家人一起吃飯，而這3年來，李思捷與羅梓龍的父親及其他朋友更會有一個「Men Trip」旅遊。羅梓龍：「佢哋去越南玩。」至於《逆緣》中羅梓龍的「老豆」黎耀祥，羅梓龍就表示黎耀祥對他很好，又很風趣幽默。