應采兒親身帶囝囝做善事　Jasper人仔細細搬米好Man

陳小春同應采兒嘅囝囝Jasper，喺《爸爸去哪兒》中，又聽話又有教養，小暖男迅速受到大批觀眾喜愛，不過節目播完後，陳小春同應采兒說到做到，無再俾Jasper亮相幕前。最近應采兒爸爸提供多張Jasper生活照，原來小暖男跟住媽媽探訪獨居老人，好有愛心呀﹗

Jasper粉絲團於微博上載多張照片，原來係應采兒爸爸提供嘅相片，留言話：「公公空降粉絲群：『能助人，真快樂』！我們的乖寶貝jasper和媽媽一起去做好事，真乖！正能量，善良的一家人！」原來佢地兩母子跟慈善團體去探訪獨居老人，其中兩張相見到Jasper企喺物資前，雖然人仔細細一樣好man，兩手各拎起一袋白米，親自送到老人家手上，Jasper仲陪老人家傾計，氹得佢地相當開心。難怪陳小春之前受訪時都話：「我上輩子不曉得修了什麼，現在我兒子…I LOVE YOU！」