楊丞琳話你知咩係青春不老　33歲個樣竟然似足17歲：我是不老妖精

作為一個女人最開心係咩？相信其中一樣一定係可以時刻keep住樣貌年輕喇，而向來baby face的楊丞琳 (Rainie) 就好似食了防腐劑咁，個樣真係唔識點老。而Rainie對於自己這種得天獨厚的特質亦都好自豪，昨日她就於她的Instagram上載了兩張不同年紀的對比照，並留言表示：「是炫耀文沒錯，左圖是我本人17歲時，右圖是我本人33歲時飾演17歲的 #黎親愛  真的相當不可思議，太凍齡了 #前男友不是人 #我也不是人 #是不老妖精#17歲」。

睇返現年33歲的Rainie與她17歲時的樣子分別確實不大！左邊的相是她出道翌年演出的台劇《流星花園》時飾演小優一角的造型，而右邊那張相就是她最近與藍正龍所演的新劇《前男友不是人》中，扮演高中生的造型，兩個look都係齊蔭髮型。無論怎麼看都無可能會看得出兩張相中的她年紀相差了16年，即使已經33歲的她依然好似17歲時咁有少女味，就算扮學生妹都完全係零違和感。唔少網民都大讚Rainie唔止係凍齡咁簡單，簡直就係逆齡生長呀！