謝婷婷讚媽媽狄波拉開明冇催婚　「話帶男友俾佢過目都冇反應」

謝婷婷（Jennifer）向來性格獨立，這日她出席一個珠寶品牌活動時，就同大家分享她的座右銘，Jennifer坦言自己好相信直覺，好多時候做事都是「follow your heart」。珠寶是大多女士的心頭好，亦是男士送禮物的不二選擇，Jennifer透露以往都有收過男友送的珠寶首飾，無論價錢的輕重，都是對方的一份心意，所以於她而言，這些都是非常寶貴的禮物。

今年9月即將滿36歲的Jennifer雖然感情未有著落，但媽媽狄波拉就好開明，完全沒有給過她壓力：「我有幾次主動話帶男朋友俾媽咪過目，佢都唔係好有反應囉，佢知道我決定或者選擇係有信心嘅，所以佢真係好隨意。」

今個星期日就是母親節，Jennifer希望一家人可以一齊吃飯，但未知哥哥謝霆鋒是否在香港：「平時知道佢喺香港都係你哋（記者）話俾我聽，所以我唔知道，我last minute主動搵佢，佢就會哦……母親節喎……」至於母親節的安排，Jennifer就笑言看看哥哥會否煮飯，暫時未有計劃。