古巨基為演唱會預習超級無敵畫歌仔 你又估唔估到佢畫邊4首歌？
撰文：梁子健
出版：更新：
相信大家一定睇過《超級無敵掌門人》，而對當中的遊戲環節「超級無敵估歌仔」唔會陌生。古巨基為宣傳嚟緊5月10日舉行的演唱會，亦在個人IG同大家玩玩「估歌仔」，不過玩法有啲新意，唔再係搵外籍人士唱歌俾你估，而係古Sir親自展現畫功，畫出同佢歌曲有關的圖案俾大家估佢畫緊咩歌，所以古Sir美其名為「超級無敵畫歌仔」。
講多無謂，大家一齊參與最實際，下面將有四幅古Sir畫的圖，大家分別估下每張圖代表佢邊一首歌啦。
第一幅，有位貌似愛因斯坦的留鬚精靈老人，以及一位表情古怪、伸脷兼流口水嘅男仔。呢題只係Playgroup級，無「奶油」估唔到係咩歌。
第二幅，一座建築物群底部生出四隻腳，貌似在行走，但又唔似喺陸上行，反似喺海上走，唔通棟嘢識「輕功水上飄」？其實答案呼之欲出，仲係估唔到就俾多個貼士你，睇開日本動漫都會知，呢座建築物群係「學校」。
第三幅，好簡單，一個時鐘，無咩特別，最多咪就係啲時針、分針好似喺度快速轉動緊囉。不過再睇得仔細啲，原來鐘上嘅數字左右調轉咗架，有咩暗示呢？
第四幅，一個下身打格的大隻裸男，睇佢髮型同輪廓，似係外國人，應該名叫David。身邊就有個戴住鴨舌帽拎住旗仔的人。咩地方會有呢種裸男睇，又咩情況先會有人揈住旗仔去睇裸男呢？
香港藝人與歷史人物撞樣 古巨基孫文似餅印 周柏豪周恩來係倒模
【香港樂壇史上怪物級新人】古巨基係第一人 泳兒之後誰人接棒？