【後生仔傾吓偈】江嘉敏初戀男友偷食好姐妹：男友叫佢上屋企參觀

新一集《後生仔傾吓偈》以「人生第一次」為主題，唔使問，當然包括初戀啦，近年被封為宅男女神嘅江嘉敏（Kaman）就話自己初戀喺18歲發生，對方同係model。「嗰時係朋友話佢好似鍾意我，叫我試吓，於是就一齊咗。」吓！會唔會太過兒戲？「頭三個月都試吓鍾意，因為第一次拍拖，開始咗無理由放棄。」到底係堅持定係傻？

江嘉敏話自己同初戀男友拍拖一年後，發現對方疑似偷食，但最嬲的是小三是自己的好姊妹。「我見到佢在fb留問對方幾歲、身材size、同埋話自己剛剛搬咗屋，問人哋上唔上去參觀！」男友死口唔認之餘，之後更試過拿出小三身穿tube top的照片，問江嘉敏的意見。「佢問我件衫靚唔靚，然後話係佢買，我同佢成年佢都無送過嘢比我。」江嘉敏向男友作出最後警告，著對方不要再跟小三有太多聯絡，沒想到男友將「警告內容」全數轉告小三。「個女仔之後嚟鬧我，覺得我好似搞事搞非」就這樣，江嘉敏的初戀正式完結了，雖然佢話自此之後對感情事有陰影，但睇佢同終聞男友曹震豪成日放閃，就知呢初戀的傷痛沒有為她帶來太大影響啦。