自導自演張家輝開新戲慘食檸檬　竟有演員拒邀唔拍《低壓槽》？

演而優則導嘅張家輝即將推出自編自導自演嘅新片《低壓槽》，佢接受奇妙電視節目《同Sing同戲》主持嚴崇天訪問時，就指犯罪動作片一直都係香港電影嘅強項品牌，當中就以卧底題材最受港人喜愛，而佢自己亦都對此情有獨鍾。第三次做導演嘅張家輝亦話作為導演就絕對唔能夠欺場，所以戲中有大量大型飛車、槍戰場面。講到電影好揼本，有勁多CG，張家輝就話自己有掙扎過係咪真係要拍呢個題材。家輝又透露完成劇本後開始邀請演員參演，但當中有人拒絕佢。主持嚴崇天就好奇點解有人拒絕家輝，家輝就話自己都有拒絕人嘅時候，所以以平常心對待，未有因此感到氣餒。