【後生仔傾吓偈】江嘉敏被指扮高竇 麥明詩唔同前輩打招呼？
撰文：關穎賢
出版：更新：
TVB節目《後生仔傾吓偈》最近講到去到陌生環境,，見到好多唔識嘅人，難免會覺得尷尬同怕醜，但係作為後輩，唔敢同人獎講嘢真係好容易畀人誤會為「寸」。其實唔講嘢係咪就等於寸，唔笑係咪即係黑面呢？
今集嘉賓江嘉敏就提到讀書時期拍攝廣告，放break嘅時候通常一班演員都會一齊食飯，但因為太怕醜所以就自己一個喺角落食飯玩電話，謂：「跟住聽到有監製話條女咩事，咁高竇嘅。嗰時都好唔開心，因為我唔係因為高竇而唔同你講嘢，我係怕醜唔知點樣開話題。」江嘉敏就笑指由嗰次開始，就喺片場最多嘢講。
而主持之一嘅麥明詩就大呻身同感受，說：「但佢又會覺得我哋做咩要特登同你講嘢，梗係你同我講嘢先啦，你係後輩。我有時喺TVB化妝間有啲好高前輩嘅阿姐，我去到又唔好意思同佢傾偈，因為我驚打擾佢，跟住聽講有啲人話我好cool囉。但係我係怕醜，我唔想阻住人哋，咁我唔知人哋想唔想同我講嘢。」