阮兆祥擦靚招牌靠自力　為興趣留效TVB：一做就要做到最好

年初因新劇《平安谷之詭谷傳說》出街，加上舊作重播，導致星期一至日都「祥在你左右」，但三個月後，阮兆祥卻在無綫「消失」得無影無蹤，這天他完成了人生首次的舞台劇演出後，接受訪問時提到連月來除了電台工作外，基本上就是排練舞台劇，接下來又要準備《福祿壽十周年演唱會》的海外演出……聽落都應該賺唔少，阮兆祥未有否認之餘，更笑言「我話你聽，我爭一億就夠十億，我都唔知做嚟仲乜。」

說畢連他自己也忍不住笑了：「我依家唔係百分百為錢，始終我哋有啲年資、又有個招牌，所以一定要揀自己有興趣做，同埋一做就要做到最好，因為阮兆祥本身已經係一個品牌，有邊個會幫佢擦亮?咪就係阮兆祥自己。」單看他在《福祿壽十周年演唱會》為由頭跳到落尾而減去25磅，再加上處男舞台劇《秘密》而閉關，就知他有多重視阮兆祥這個品牌。

舞台劇《秘密》由《溏心風暴3》的原班演員李司棋、夏雨、米雪、關菊英、阮兆祥演出，雖然早已合作多年有晒默契，但阮兆祥亦指出今次排練時有不少火藥味。「有啲位可能佢覺得係咁，其他人又覺得唔應該係咁，所以都有火，幸好大家都對事唔對人，亦好佩服一班咁資深嘅演員，可以由早排到晚。」

由於《秘密》是一個全新創作故事，所以起初大家都很擔心會有冷場，尤其是上半埸大部分時間都在交代背景，但結果係觀眾笑聲無間斷，令台上演員更放心去做。「我覺得自己好似評馬人咁，估到大家邊個位會笑，感足滿好大，因為平時大家笑或者喊我都唔會知，但依家係實時接收，所以好感恩有呢個班底，雖然我做演員會或棟篤笑都有掌聲同笑聲，但今次更加team work。」