陳家樂余香凝情侶裝情侶相情侶post　話你知咩係睇波友最大嘅幸福

好快就到四年一度的國際體壇盛事世界盃舉行的日子，一眾球迷都萬分期待，雖然亦有唔少女仔鍾意睇波，但始終是以男球迷佔大多數。所以每逢有咩足球界大賽舉行的時候，唔少男士都會因為睇波而冷落了女朋友/老婆，相信他們心底裡都希望另一半會肯陪自己睇波，能夠share共同的興趣就perfect喇。鍾意踢波兼睇波的陳家樂就好幸福咁有一個願意同他一起睇波的女朋友余香凝 (Jennifer) 喇。

家樂一向都鮮有於他的ig上載他與女友Jennifer的合照放閃，但這日他就罕有地於ig上載了一張兩人的合照，相中的他們更是情侶裝上陣，兩人都穿上了阿根廷國家足球隊的波衫。兩人身處郊外，家樂面向鏡頭單手插袋，表情相當得戚，而依偎着他身旁的Jennifer就背向住鏡頭舉起V字手勢，甫士已經勁Sweet，再加埋家樂簡單的一句留言：「睇波點可以自己睇呀？」真係隨時閃盲人對眼㗎！

而身為家樂女友的Jennifer亦都有同男友同步放閃，同樣於自己的ig上載了兩人的合照，相中的背景以及兩人的衣著打扮都同家樂post那張一樣，分別只在於兩人的甫士。呢次Jennifer就面向鏡頭舉出V字手勢，並將手踭托在家樂的膊頭上，定樂則背向鏡頭擺出超人的手勢，附上相同的一句留言，情侶裝、情侶相同情侶Post，真係甜到漏呀！