【復仇者聯盟3】袁偉豪終極回應：建議可自己PM自己然後比like
撰文：黃梓恒
出版：更新：
早前《復仇者聯盟3》上映，個個都爭住睇，爭爭吓就有爭吵。講緊嘅當然是袁偉豪VS「薯片先生」這件事，之後還加入商台DJ阿檸的另一視角和林海峰的評論，花生程度十分之高，而「薯片先生」亦親自回覆《香港01》道歉，人人都討論究竟戲院應該有甚麼禮儀。
想詳細清楚事件，睇下面嘅Link喇！
【復仇者聯盟3】袁偉豪事件有後續 阿檸鬧薯片先生：大聲問候人
【復仇者聯盟3】袁偉豪事件 薯片先生獨家覆：掟你上網唔係我講
事件已經去到第三日，繼昨日「薯片先生」道歉後，袁偉豪終於也在自己的Instagram上回應他。大家睇睇全文
是公開審判或只是想在朋友圈express 一吓、有冇開名、係你班1打10朋友hi 我又好、有冇hard feelings和我接受道歉與否？不再重要！事情已發生而且經已過去！凡事留一線（等於幫你們的截圖加上馬賽克一樣）人生還有很多很多更美好的事情等著我去迎接，所以我會選擇去放下這件事情，希望日後大家都能去珍惜和善用共享空間。
祝大家身體健康、平安 P.S如果真係想係個人平台 純粹自己寫feelings 又唔想比人誤會自己公審人，建議可自己PM自己然後比like/comment 都係一種方法
睇嚟袁偉豪已經唔想再在這件事做文章，希望做今次發言結束此事件，不過臨尾的提意方法好明顯想諷刺一吓「薯片先生」的說法。