【復仇者聯盟3】袁偉豪事件　薯片先生獨家覆：掟你上網唔係我講

日前袁偉豪（Benjamin）應邀去睇Marvel電影《復仇者聯盟3：無限之戰》與薯片先生爭拗的事件就成了城中娛樂的話題。文章一出之後，阿檸及林海峰加入討論，而不少網民更一起「食完花生」觀看後續發展。當然，網民就梗係好奇誰是事件主角的「薯片先生」。而「薯片先生」今日（4月27日）仲接受了《香港01》訪問，話想道歉添...

p.s. 戴一戴個頭盔先，案中嘅主角食緊嘅其實係「墨西哥脆片」。因為網民喜愛用「薯片先生」，所以以下文章都會沿用。

未清楚來龍去脈的話可以追一追文睇晒先。

【復仇者聯盟3】袁偉豪薯片先生事件第三集 林海峰亂入戰團

【復仇者聯盟3】袁偉豪事件有後續 阿檸鬧薯片先生：大聲問候人

袁偉豪睇戲被指自以為天王巨星兼態度差 深夜於fb發長文平反

「薯片先生」接受《香港01》訪問時說：「簡單啲講，件事suppose就係我哋喺social media係自己facebook發一啲自己嘅feeling。因為我哋本身唔識袁先生，而袁先生都唔識我哋嘅。簡單啲講，其實我哋真係冇諗住公審佢，因為純粹係喺自己facebook寫自己feeling。當然啦，你問我，當日我哋始終係發生咗一啲誤會，我哋當時都唔應該咁樣講嘢，呢個確實係我哋唔啱。因為我哋從來都冇開過名，而事後我亦都唔知佢喺邊搵到個post同cap晒圖。但係都過咗嘅事，其實我都想let it go。」

薯片先生：「如果係因為我哋講嘅嘢，而令到袁先生有hard feeling嘅，我哋都想透過你同佢say sorry，我哋係唔應該喺公開場合咁樣話佢。其實因為我哋facebook唔係public開俾其他人睇，我從來都冇開過名。只係純粹係自己嗰日有hard feeling，所以先喺個人平台share一啲feeling，亦絕對唔係刻意去話佢。其實佢都有提到，佢講完之後我哋都冇再食過，希望都唔會阻住大家欣賞套戲。」

「最後可以嘅話，我都想交代返，『掟你上網』嗰句唔係我講㗎。有啲說話都唔係我講，因為當時好大班人，只不過係我其中一啲friend講嘅，有啲咩擺佢上網真係唔係我講。只不過呢啲事真係會越講越錯。不過算啦，我唔想越描越黑，所以呢part真係算啦。（你會唔會同袁偉豪道歉？）你問我願唔願意道歉，我願意為咗我當時唔應該咁樣講而道歉。係因為我哋嘅說話令到佢有hard feeling而道歉。」

隔咗2日有多，網民的意見加上各位藝人的看法真是令事件越來越越複雜，相信已令大家都對睇戲「應唔應該食墨西哥脆脆片」有更深層的疑慮。再者，原來個人平台上「不公開」的言論都會被所謂的「朋友」cap圖，實在係有啲恐怖。

袁偉豪有終極回應！

【復仇者聯盟3】袁偉豪終極回應：建議可自己PM自己然後比like