吳若希愛女淼淼1歲生日 星級影樓拍家庭照肉緊錫到囡囡變形
撰文：洪曉璇
出版：更新：
每年嘅生日，其實亦係母難日，媽媽們十個月來懷孕種種不適，再經歷十級陣痛，甚至無端端要喺身上切一大刀剖腹，先可以令BB嚟到呢個世界。一年前吳若希正式成為媽媽後，減少工作量事事以愛女淼淼（Giselle）為先，眨下眼囡囡就到1歲啦，除咗一家人去到主題樂園，Jinny仲早早安排到星級影樓拍攝家庭照：「一個多月前就和全家人安排了這幾天的行程！」
Jinny同老公Alex視愛女淼淼為掌上明珠，1歲生日喎緊係要大肆慶祝啦。Jinny上載多張家庭照，原來佢安排咗去到星級影樓留倩影：「一個多月前就和全家人安排了這幾天的行程，不是什麼紀念日、不是什麼頒獎禮，而是我女兒的第一個生日！」兩公婆為囡囡準備咗一個好靚嘅獨角獸蛋糕，肉緊錫錫阿女，攪到淼淼雙下巴盡出面都變晒形，相當搞笑。
4月23號生日當日，佢地一家三口著住白tee親子裝遊主題樂園，淼淼企得相當穩，突出一個肚腩仔相當可愛。Jinny留言話：「這個小心肝才剛學走幾步，就學人站得那麼囂張，寶貝寶貝，祝願你繼續快樂地長大。」爸爸Alex更加感性留言話：「1歲後的第1天。這一年你過得開心和幸福嗎？爸爸媽媽很愛你，我們都會給你最好的照顧，最好的關心。1年前你這個時候還需要爸爸媽媽抱著你；1年後你已經要拖著爸爸媽媽的手自己行，下1年你會進步到什麼情況？不論你變成怎樣，你(Giselle)一直都是爸爸媽媽的心肝寶貝。Happy birthday my princess! 」女兒係爸爸前世情人呢句說話，果然無錯呀。