林允喺候機室踎住食飯　明明身後有凳都唔坐係咩玩法？

每個民族都有屬於她獨有的文化特色，有時只要留意下一個人的言行舉止，都唔難睇到出他是那個民族的人。憑住獨特氣質被星爺周星馳睇中，於電影《美人魚》擔演女主角而一炮而紅的內地女藝人林允，入行至今愈來愈受歡迎，工作亦接個不停，且繼續深得星爺歡心，目前正忙於拍攝《美人魚2》。林允點睇都是一個靚女，後生細女的她竟然好似一個大媽咁踎喺地度食飯，真係估佢唔到。雖然好多內地人都好鍾意周街踎喺地度，但她作為一個公眾人物，好應該顧下儀態。

林允於她的微博上載一條短片，留言話：「晚飯。」片中的她正身在武漢機場的候機室，地上擺了兩大袋東西，其中一袋看來是外賣，而她就好開心咁踎喺地度食飯盒，有時又將飯盒放在地上，她還笑住咁夾餸餵拍她片的朋友食。其實林允身後就已經有一排凳，她的朋友亦有坐在凳上食飯，而飯盒都擺到一凳都係，坐埋去都只是一秒時間，實在唔明林尤點解寧願踎喺地度食都唔舒舒服服坐低食。