【跑男】音癡Angelababy洗刷污名　清唱無走音嚇親隊友

Angelababy（楊穎）唱歌五音不全，係人所共知的事，大家都將佢標籤為「音癡」。雖則如此，baby還是非常熱愛唱歌，近日她在《奔跑吧6》首期節目中，就用英文清唱了一段，竟然完全無走音！

《奔跑吧6》第一集中，來到維也納拍攝，其中一項任務是，每位成員須準備一段英文自我介紹及才藝，接受專業面試官的考驗，考官會根據他們應對方式打分。Baby用英文說自己的興趣是唱歌和跳舞，其中一名考館馬上叫她唱一首歌，此時眾人已經臉色一變，心諗：唔係呀嘛？隨即仲掩咀偷笑，一副等食花生樣。

Baby一聽到考官嘅要求都有點嚇親，但佢馬上冷靜落嚟，並充滿信心地清唱《Twinkle, Twinkle Little Star》，竟然啱Key不特止仲幾聽喎，連鄧超、陳赫等人都聽到頻頻點頭，考官更加係露欣賞嘅表情。唔少網友都話baby做咗媽媽之後，唱歌好聽咗好多，可能因為成日唱畀小海棉聽，所以日子有功！